MOVEMENTU 21 TIN UN DIREKTIVA NOBO; Kongreso statutario di M21 a eligí direktiva nobo

Kralendijk, 31 di òktober 2023 – Riba djaluna 30 di òktober ùltimo Movementu 21 - M21 - a tene su di 2 kongreso statutario. E anochi a kuminsá ku registrashon di tur miembro ku a partisipá na e kongreso. Despues a pasa pa introdusí nos presidente di kongreso sr. Junior Sluis. Seguidamente sr. Sluis a duna un splikashon di e diferente artíkulonan den e statutonan i/òf e reglamentu di kas ku tin di haber ku kada akontesimentu den e reunion.

Durante e kongreso a atendé e siguiente puntonan: nótulonan di e kongreso anterior; kontribushon di miembronan na partido; nombrashon di presidente nobo; nombrashon di direktiva nobo; nombrashon komishon di kaha nobo; plan di maneho di direktiva; relato anual di sekretario; relato anual di tesorero; relato di komishon di kaha; presupuesto pa 2024 i tambe a duna deskargo na e tesorero i e direktiva saliente. Despues e presidente nobo a hiba palabra i e kongreso a terminá ku un bríndis di parti di e lider polítiko sra. Daisy Coffie.

E direktiva nobo di M21 ta konsistí di: Alberseeto Cecilia komo presidente, Evo Cicilia komo tesorero, Anthony Weber komo sekretario, Angelo Engelhart komo miembro i alabes 2do tesorero, Arnoldine Helmyr, Fitsgerald Martina i Mayra Frans komo miembronan di direktiva.

E miembronan di M21 ta deseá nan direktiva nobo tur klase di éksito pa sigui traha na bienestar di nos pueblo na un manera diferente. Si bo sigui hasi mesun kos bo ta sigui haña e mesun resultado. P’esei nos ta hasi e kosnan diferente.

MOVEMENTU 21 HEEFT EEN NIEUW BESTUUR

Statutair congres van M21 kiest nieuw bestuur

Kralendijk, 31 oktober 2023 – Op maandag 30 oktober j.l. heeft Movementu 21 – M21 – haar tweede statutaire congres gehouden. De avond begon met de registratie van alle leden die aan het congres hebben deelgenomen. Daarna werd de voorzitter van het congres, dhr Junior Sluis, geïntroduceerd. Vervolgens heeft dhr Sluis uitleg gegeven van de verschillende artikelen in de statuten en/of het huishoudelijk reglement die te maken hadden met alles wat naar voren is gekomen in de vergadering.

Tijdens het congres werden de volgende punten behandeld: notulen van het vorige congres; bijdrage van de leden aan de partij; benoeming voorzitter; benoeming van een nieuw bestuur; benoeming van een nieuwe kascommissie; beleidsplan van het bestuur; jaarverslag van de secretaris; jaarverslag van de penningmeester; verslag van de kascommissie; begroting voor 2024 en er werd ook decharge verleend aan de penningmeester en het aftredend bestuur. Daarna volgde een toespraak van de nieuwe voorzitter en het congres eindigde met een heildronk door de politiek leider mw Daisy Coffie.

Het nieuwe bestuur van M21 bestaat uit: Alberseeto Cecilia als voorzitter, Evo Cicilia als penningmeester, Anthony Weber als secretaris, Angelo Engelhart als bestuurslid en tevens tweede penningmeester en Arnoldine Helmyr, Fitsgerald Martina en Mayra Frans als bestuursleden.

De leden van M21 wensen het nieuwe bestuur alle succes toe om door te blijven werken voor het welzijn van onze bevolking en daarbij het verschil uit te maken. Als men steeds hetzelfde blijft doen, zal men steeds hetzelfde resultaat blijven behalen. Daarom pakken wij de zaken anders aan.