Segun Daisy Coffie, lider di frakshon di M21: Frakshon M21 preokupá ku uso di alkohòl den tráfiko

Kralendijk, 13 di mei 2024 - Frakshon di M21 ta hopi preokupá ku uso eksesivo di alkohòl akí na Boneiru i prinsipalmente den tráfiko. Daisy Coffie: ‘Nos por dedusí esaki for di entre otro e kantidat di aksidente den tráfiko ku ta regularmente nos kuerpo polisial ta registrá, pero tambe mester tene kuenta ku e aksidentenan no-registrá. Banda di e peliger ku uso eksesivo di alkohòl ta trese kuné den tráfiko, tantu pa e persona enbolbí mes komo pa otronan ku ta hasi uso di nos kareteranan, por konstatá ku mal uso di alkohòl ta tambe un di e kousanan di violensia doméstiko na nos isla. Ademas mal uso di alkohòl ta okashoná tambe hopi violensia tantu verbal komo físiko entre siudadanonan ku pa motibu di alkohòl no por kontrolá nan emoshonnan. Últimamente Frakshon di M21 por a konstatá tambe ku un gran parti di sushi ku nos konosé komo “zwerfvuil” i ku ta bentá tur kaminda kantu di nos kareteranan, ta konsistí di bòter di bibida alkohóliko. I pa tur honestidat mester trese dilanti ku no ta solamente nos hendenan lokal ta hasi nan mes kulpabel di mal uso di alkohòl, pero nos bishitantenan tambe.’

Solushon

M21 no ta konstatá so ku tin un problema, pero ke presentá tambe un solushon. Konsehal Daisy Coffie ta splika: ‘E promé solushon i esun di mas importante ta nos propio komportashon. Ki sentido tin si nos konosé tur regla di tráfiko for di kabes, konosé relashon entre hende, pero na momento di konsumí alkohòl nos no sa di dominá nos mes pa evitá ku e konsumo di alkohòl ta bira di tal grado ku nos ta pèrdè tur dominio riba nos mes i hasta nos ta bira un fuente prinsipal di peliger pa nos mes i pa nos konsiudadanonan. Nos no ta realisá kuantu daño nos ta kousa tantu físikamente, esta na material, komo emoshonalmente i síkikamente. Nos ta bira sosialmente disfunshonal na kas i riba kaya. Nos ta hasi daño emoshonal na nos pareha, na nos yunan i na henter nos famia. Den kuadro di kambio di komportashon, M21 ta proponé pa gobièrnu atraves di su direktorado di Komunidat i Kuido tuma inisiativa pa un kampaña agresivo pa hasi nos komunidat, spesialmente esnan adulto, konsiente di e peligernan di uso eksesivo di alkohòl. Na mes momento mester dediká atenshon dirigí riba e fenómeno aki den nos enseñansa. E departa­men­to di Salubridat Públiko tambe tin un ròl pa mustra riba e konsekuensianan dañino di mal uso di alkohòl riba nos salú físiko, pero tambe nos salú mental.’

Sanshon mas severo

‘E di dos solushon ta ku por hasi e sanshonnan pa violashon di regla di tráfiko debí na mal uso di alkohòl mas severo. Nos ta papia aki di entre otro but mas haltu, hala reibeweis aden i enkarselamentu di e violadó di regla. Mester bin tambe ku kontròl mas konsistente ku sanshonnan severo kontra benta di alkohòl na menornan di edat. Un otro solushon ta pa hasi e seguro kontra tersera obligatorio pa asina en todo kaso esaki ta kubri e daño ku kousa na otronan. Tambe gobièrnu di Hulanda por konsiderá riba petishon di Entidat Públiko Boneiru pa oumentá e impuesto di akseins riba bebida alkohóliko di tal forma ku e preis di benta no ta atraktivo mas,’ segun Daisy Coffie.

Mas atenshon

Frakshon di M21 lo ke pa nos pone mas atenshon na e tema aki i lo sigui akumulá sifra pa loke ta trata konsumo di alkohòl na nos isla, pero tambe sifranan ku por indiká su efektonan negativo den tráfiko i su efektonan riba tereno sosial, pa por atendé ku e fenómeno aki na un manera rashonal. Konsehal Coffie: ‘Nos meta komo M21 ta pa promové un komunidat boneriano ku ta komportá su mes riba e área sumamente importante akí, pasobra no lubidá ku mal uso di alkohòl ta stimulá tambe krímen den nos komunidat. I si tin un pida importantísimo di nos produkto turístiko ku nos mester ta orguyoso di dje ta e porsentahe abou di krímen na nos isla. Ta na nos pa mantené i konservá esaki asina. Nos ke, nos por!’

 Volgens Daisy Coffie, fractieleider M21:

M21-FRACTIE BEZORGD OVER ALCOHOLGEBRUIK IN VER­KEER

Kralendijk, 13 mei 2024 – De M21-fractie maakt zich grote zorgen over het overmatige gebruik van alcohol op Bonaire, en vooral in het verkeer. Daisy Coffie: ‘Wij kunnen dit afleiden uit onder andere het aantal verkeersongelukken dat regelmatig door de politie wordt geregistreerd, maar er moet ook rekening gehouden worden met de niet-geregistreerde ongelukken. Naast het gevaar dat overmatig gebruik van alcohol met zich meebrengt in het verkeer, zowel voor de betrokken persoon zelf als voor anderen die gebruik maken van onze wegen, kan geconstateerd worden dat alcoholmisbruik ook een van de oorzaken is van huiselijk geweld op ons eiland. Bovendien ligt alcoholmisbruik ook ten grondslag aan veel geweld, zowel verbaal als fysiek, tussen inwoners die vanwege hun alcoholgebruik hun eigen emoties niet onder controle kunnen houden. Onlangs heeft de M21-fractie ook kunnen constateren dat een overgroot gedeelte van het zwerfvuil dat overal langs onze straten en wegen ligt, uit flessen bestaat waarin alcoholische dranken hebben gezeten. En eerlijkheidshalve moet gezegd worden dat niet alleen onze lokale mensen zich schuldig maken aan alcoholmisbruik, maar ook onze bezoekers.’

Oplossing

M21 stelt niet alleen vast dat er een probleem is, maar wil ook oplossingen aandragen. Raadslid Daisy Coffie legt uit: ‘De eerste oplossing die ook de belangrijkste is, is ons eigen gedrag. Wat voor zin heeft het als wij alle verkeersregels uit het hoofd kennen en goed op de hoogte zijn van de intermenselijke relaties, maar op het moment dat wij alcohol consumeren ons niet meer kunnen beheersen om te voorkomen dat ons alcoholgebruik zulke vormen aanneemt dat wij alle zelfbeheersing verliezen en wij zelfs de belangrijkste bron worden van gevaar voor onszelf en voor onze medeburgers. Wij beseffen niet hoeveel schade wij veroorzaken, zowel fysiek, materiele schade dus, maar ook emotionele en psychische schade. Wij worden thuis en op straat sociaal disfunctioneel. Wij brengen schade toe aan onze partner, onze kinderen en aan de hele familie. In het kader van gedragsverandering, stelt M21 voor dat het eilandbestuur door middel van haar Directie Samenleving en Zorg het initiatief neemt voor een agressieve campagne om onze samenleving, en dan met name de volwassenen, bewust te maken van de gevaren van het overmatig gebruik van alcohol. Tegelijkertijd moet in ons onderwijs gericht aandacht besteed worden aan dit fenomeen. Ook de afdeling Publieke Gezondheid heeft hierin een rol om te wijzen op de schadelijke gevolgen van alcoholmisbruik, zowel voor onze fysieke als onze psychische gezondheid.’

Strengere sancties

‘Een tweede oplossing is dat er strengere sancties komen voor overtreding van verkeersregels vanwege alcoholmisbruik. Wij hebben het hier over hogere boetes, intrekken van het rijbewijs en gevangenisstraf voor de persoon die de regels overtreedt. Er moet ook meer consistente controle komen met strengere sancties tegen de verkoop van alcohol aan minderjarigen. Een andere oplossing is om de WA-verzekering verplicht te maken, zodat in elk geval de schade die aan anderen toegebracht wordt, gedekt is. Ook kan de Nederlandse regering op verzoek van het Openbaar Lichaam Bonaire overwegen om de accijns op alcoholische dranken zodanig te verhogen dat de verkoopprijs niet meer aantrekkelijk is,’ aldus Daisy Coffie.

Meer aandacht

De M21-fractie wil meer aandacht besteden aan dit onderwerp en zal cijfers blijven verzamelen met betrekking tot alcoholgebruik op ons eiland, maar ook cijfers die de negatieve effecten hiervan in het verkeer en op sociaal gebied aangeven, om dit fenomeen op een rationele manier aan te kunnen pakken. Raadslid Coffie: ‘Ons doel als M21 is om een Bonairiaanse samenleving te bevorderen die weet hoe zich te gedragen op dit gebied dat zo ontzettend belangrijk is, omdat wij niet moeten vergeten dat alcoholmisbruik ook misdaad stimuleert binnen onze gemeenschap. En als er een allerbelangrijkst onderdeel van ons toeristisch product is waar wij trots op moeten zijn, dan is dat het lage percentage misdrijven op ons eiland. Het is aan ons om dit te behouden. Wij kunnen, omdat wij willen!’