top of page

TA DI APLOUDÍ KU 51 KOMPANIA TA HAÑA TRABOU PA KAP RAMA I DRECHA KAMINDA DI TERA

Kralendijk, 24 di aprel 2024 - Nos a tuma nota ku tin 51 kompania, o sea kapplug, a haña trabou serka gobièrnu pa kubri un retraso ku tin den mantenshon di nos kamindanan di tera i kapmentu di rama. Ántes ta den sierto temporadanan, entre otro promé ku elekshon, sa kore duna algun simpatisante e tipo di trabou akí komo kampaña pa elekshon. Ta p’esei nos ta kontentu ku awor tin un gobièrnu ku tin un otro vishon di maneho pa atendé ku e asuntu aki. Nos a komprondé ku na promé lugá ta traha pa kubri e retraso pa despues sigui ku mantenshon regular. Nos ta aploudí e manera nobo di traha akí. E 51 kapplugnan aki, ku tur  tabata registrá kaba, a haña un chèns pa mustra nan kapasidat pa hasi e trabou manera mester ta. Lamentablemente nos tin ku konstatá ku tin kos ku por drecha na e proseso akí.

 

Kalidat di e trabou

Nos a konstatá ku no tin un eksigensia pa loke ta trata e kalidat ku mester entregá. Informashon ku nos a risibí ta ku no tabatin ningun eksigensia di parti di gobièrnu kon mester entregá e trabou.  Solamente ku ta paga $ 0,84 pa meter. Nos por a konstatá diferente defisiensia relashoná ku e trabou ku e kapplugnan ta hasi. Nan ta kap rama laga esakinan bentá un banda pa basta tempu promé ku rekohé nan. Nan no ta piki bòter, kùp i otro sushedat ku ta den e área kaminda a kap rama. Un (1) meter so di limpiesa na banda di kaminda tin biaha no ta sufisiente. Nan ta kap rama i laga  tronkon di e palu den tal forma ku e ramanan lo krese mesora despues ku un tiki áwaseru kai. Nan ta kap rama, pero nan no ta kòrta yerba i harpa e sitio. A base di e puntonan akí nos ta puntra nos mes si tin kontròl ta tuma lugá promé ku entregá e trabou. Si e trabou no ta di bon kalidat mester duna e kapplug chèns pa drecha esaki i si e kapplug sigui entregá trabou di mal kalidat, ta stòp di kontratá e kapplug ei.

 

Ehèmpel

Komo ehèmpel nos ke trese dilanti e trabou ku John Noel Janga di UMN Services ta hasi. Nos a lanta konosé kapplug mas ku 50 aña pasá tempu ku periódikamente hendenan tabata haña 3 siman di trabou. Nan tabata limpia un área, kap loke mester kap i snui loke mester snui pa e por sigui krese. Loke nan tabata kap, nan tabata saka ku rais ku tur si ta posibel, paso ta konosí ku nos palunan di sumpiña ta sprùit asina un tiki awa kai. E trabou ku sr. Janga ta hasi mester ta e standart. Si nos ta hasi un kos mester hasié bon. Tambe mester eliminá sushi manera bòter, kùp i otro tipo di sushedat for di e área.

 

 

Preis pa e trabou

Di otro banda nos mester atmití ku e preis ku ta paga pa e trabou, $ 0,84 pa meter, ta muchu tiki. Pa por paga un trahadó e sueldo mínimo legal, e trahadó akí mester kap 87 meter pa dia. Esei ta pa paga e trahadó so. Ainda doño di e kapplug tin ku rekohé e sushi, transportá esaki pa lèntfel i paga e gastunan di transporte i di lèntfel. Banda di esaki tin ku paga gastunan di e ekipo i hèrmèntnan ku ta usa. Ta bini aserka pago di gastunan di atministrashon finansiero, atministrashon di salario i impuesto i otro gastunan manera awa, eis i gasolin. Nos no ta papia mes di un ganashi chikitu pa  doño di e kapplug.

 

Revishon

Ku otro palabra: mester revisá loke ta paga e kapplugnan. Tampoko por ta asina ku ta wanta tur trabou te ora kaba revisá e preis i buska fondo pa paga e kapplugnan. E trabou tin ku sigui i despues di e revishon por kompensá e pago atrasá ku forsa retroaktivo. Resumiendo nos por bisa ku nos ta aploudí ku 51 kapplug a haña trabou, pero tin kos pa drecha. Ban traha riba e kosnan pa drecha akí.




HET IS TOE TE JUICHEN DAT 51 BEDRIJVEN OVER­TOL­LI­GE BEGROEIING VERWIJDEREN EN ZANDWEGEN HER­STELLEN

 

Kralendijk, 24 april 2024 – Wij hebben er kennis van genomen dat het eilandbestuur aan 51 bedrijven cq kapploegen opdracht heeft gegeven om de achterstand met betrekking tot het onderhoud van onze zandwegen en het verwijderen van overtollige begroeiing weg te werken. Vroeger was het zo dat dit soort werk in bepaalde periodes, onder andere in de periode vóór de verkiezingen, aan sympathisanten werd gegund bij wijze van politieke campagne. Wij zijn daarom blij dat er nu een eilandbestuur is, dat een andere beleidsvisie hanteert om deze zaken aan te pakken. Wij hebben begrepen dat er eerst gewerkt wordt aan het wegwerken van de achterstanden en dat men daarna doorgaat met het reguliere onderhoud. Wij juichen deze nieuwe manier van werken toe. Deze 51 kapploegen die allemaal al geregistreerd stonden, hebben een kans gekregen om hun vaardigheid te laten zien om het werk te verrichten zoals het hoort. Helaas hebben wij wel moeten constateren dat er verbeterpunten zijn met betrekking tot dit proces.

 

Kwaliteit van het werk

Wij hebben geconstateerd dat er van het eilandbestuur uit geen eisen gesteld worden aan de kwaliteit van het werk dat geleverd moet worden. Er staat alleen vast dat er $ 0,84 per meter betaald wordt. Wij hebben kunnen constateren dat het werk dat de kapploegen verrichten, meerdere gebreken vertoond. De verwijderde begroeiing wordt geruime tijd achtergelaten op de werkplek, voordat alles weggehaald wordt. Weggegooide flessen, bekers en ander soort zwerfvuil wordt niet opgeraapt in het gebied waar gekapt wordt. Slechts één meter vanaf de wegrand schoonmaken, is soms niet voldoende. De overtollige begroeiing wordt gekapt, maar de boomstronken blijven staan, waardoor de begroeiing meteen weer terug is na een regenbui. Takken worden verwijderd, maar gras wordt niet gemaaid en weggeharkt. Op grond van deze punten vragen wij ons af of er geen controle plaatsvindt, voordat het werk opgeleverd wordt. Als het werk niet van goede kwaliteit is, moet een kapploeg een kans krijgen om dit te verbeteren en als een kapploeg doorgaat met werk van slechte kwaliteit te leveren, moet die kapploeg geen werk meer aangeboden krijgen.

 

Voorbeeld

Als voorbeeld willen wij het werk dat John Noel Janga van UMN Services verricht naar voren halen. Kapploegen kennen wij al van meer dan 50 jaar terug, toen mensen periodiek 3 weken werk kregen. Zij maakten een bepaald gebied schoon, verwijderden wat verwijderd moest worden en snoeiden wat gesnoeid moest worden, zodat dat gedeelte verder kon groeien. Wat ze verwijderden, werd waar mogelijk met wortel en al eruit getrokken, omdat bekend is dat planten en bomen met stekels meteen weer ontspruiten zo gauw het een beetje regent. Het werk dat dhr Janga doet moet de standaard zijn. Als wij iets doen, moeten wij het goed doen. Ook moet al het zwerfvuil zoals flessen, bekers en dergelijke weggehaald worden uit dat gebied.

 

Prijs voor het werk

Aan de andere kant moeten wij toegeven dat de prijs die betaald wordt voor het werk, $ 0,84 per strekkende meter, veel te weinig is. Om een werknemer het wette­lijk minimumloon te betalen, moet die werknemer 87 meter per dag aan kapwerk verrichten. Dat is enkel de betaling voor die werknemer. De beheerder van de kapploeg moet dan nog de verwijderde begroeiing ophalen, deze naar de landfill transporteren en de kosten van het transport en de landfill betalen. Daarnaast moeten de kosten van de gebruikte machines en gereedschappen betaald worden. Daar komen nog de kosten van de financiële administratie, de salarisadministratie en de belasting bij, en andere bijkomende kosten zoals voor water, ijs en benzine. En dan hebben wij het nog niet eens over een kleine winst voor de beheerder van de kapploeg.

 

Herzien

Met andere woorden: wat aan de kapploegen betaald wordt, moet herzien worden. Het kan ook niet zo zijn dat al het werk wordt uitgesteld totdat de herziening van de prijs heeft plaatsgevonden en er naar fondsen wordt gezocht om de kapploegen te betalen. Het werk moet doorgaan en na de herziening kan dan de achterstallige betaling met terugwerkende kracht verrekend. Samenvattend kunnen wij zeggen dat wij het toejuichen dat 51 kapploegen werk hebben gekregen, maar dat er verbeter punten zijn. Laten wij aan deze verbeterpunten gaan werken.

28 views0 comments

留言


bottom of page