10. Nadine Emerenciana
Mi nòmber ta Nadine Emerenciana, 43 aña di edat. Di naturalesa mi ta un hende hopi trankil i mi gusta traha na logronan fiho. Mi ta nase dia 24 juli 1979 na Boneiru, for di un tata kunukero hopi bon konosí na Boneiru komo Win Webu (Edwin Emerenciana) kasa ku mi mama ya pa 52 aña ku ta Ingrid Emerenciana Carlo. Mi a lanta desde chikitu den kunuku na Punta Blanku i ku mi 18 ana net mi a bai studia na Hulanda. Mi biba na Breda unda mi a studia MBO-4 Administratief Juridisch Medewerker Openbaar Bestuur, despues kwa mi a bai sigui un estudio riba HBO niveau na Rotterdam ku ta Sociaal Juridische Dienstverlener.
Tur 2 estudio mi a gradua ku diploma. For di 1 febrüari 2011 laborando pa Boneiru (12 aña). Mi ta un persona trahadó i semper mi a dediká mi mes na hasi mi trabou mas mihó posibel i sigui desaroyá den diferente rango di trabou. Mi ta gusta naturalesa masha tantu mes. Esei ta mi kas. Eyden mi a nase, biba i desaroyá. Mi a kombiná esaki ku trabounan (semi) sosial ku ta yuda hende, bestia i nos leefomgeving pa keda sano.
Mas di Nadine
Polítika: Mi ke mira Boneiru i su pueblo (inkluso mi mes, mi yunan i tur otro) bria den nos eksistensia.
Mi a kansa di biba den e mentira ku hopi kos ta wòrdu promete na nos i no ta wòrdu kumpli. Tampoko mi no por biba ku sierto abuso nan ku nos komo Boneriano mester deal kun'e tur dia pa por sobrebibí. Ta basta! Hende mester por BIBA!
M21: Mi a skohe pa ta parti di M21 den polítika pa e echo ku mi ta sinti mi mes hopi yega na e tópikonan ku M21 ta para p'e. Ku mi eksperensia mi por yuda mi isla i vooral su habitante nan siña konosé nan mes pa nos por bira mas mihó posibel den nos propio desaroyo. Pa ku esaki mi ta un ehèmpel natural. Sin kita sin pone, un BON BONERIANO! Anto mas ainda ku e parti liberal ku ta e firework riba nos trabou. Paso nos tin mag t'ei, tur hende mag sa ku nos t'ei i pa kiko nos t'ei!
Interesnan:
1. Desaroyo di e ser humano (Físiko, emoshonal i mental). Ook medisch gezien;
2.Agrikultura i krio di bestia;
3. Moveshon di un pueblo (hòmber i muhé) sin onderdrukking.