20. LORNA MARTIS

Mi nòmber ta Lorna Martis.

Mi ta biba 11aña na Hulanda, pero bayendo Bonaire kada 2 aña i si tin algu spesial den famia, mi ta bai mas biaha si mester.

Dikon mi a drenta polítika? Paso kada biaha ku mi biaha pa Bonaire i ora mi tin ku biaha bek,mi ta biaha ku duele na mi kurason,pa mi famia nan ku ta keda atras den un situashon hopi duru. Mi a mira ku Bonaire a bai dilanti na bunitesa dje lugá, spesífikamente na edifisionan grandi i bunita, pero e hende, e persona, e ser humano, a bai atras. i si mi por mira bek, tempu di mi grandinan, nan tabata tine mihó, traha duru, pero tabata tin kuminda tur dia riba mesa, i ainda nan por a spar dòsplaka.

Wel esaki a motivami pami drenta polítika, paso mi no ke para na rand mas, mira kon mi pueblo ta sufri, mi ke ta un ku por yuda na bienestar di tur nos hende nan,

Mas di Lorna

Kiko a motivami pa djòin M21?

Mi tin ku bisa e amor i dedikashon ku mi a mira Daisi ta hasi su esfuerso pa yuda tur hende di tur bario, mihó bisa tur loke ta na su alkanse pa yuda, a motivami ora ku mi a wòrdu aserka.Mas ainda ora ku M21 ta para pa tur loke mi kurason tambe ta bati pe, un nivel di bida pa nos pueblo Boneriano, E hende na promé lugá!

Kiko mi interes nan polítiko ta?

Bienestar di E Boneriano! Sirbi mi pueblo i duna tur ku tin pa mehorá nivel di bida i salu di nos hende nan na promé lugá, paso un pueblo sano por funshoná pa adelanto di su isla (muchu hende ta kunsumí pa motibu di situashonnan di trabou of entrada pa biba i esaki ta trese malesanan na nos hende nan).

Ami ta un persona,ku fo'i chikí mi tin hopi amor pa yuda otro i kompartí ku otro, aktualmente, mi ta motivá hopi hende i guia hopi persona spiritualmente, i tambe positivamente,pa asina krea un mihó hende, i tambe hende ku semper sa ku nan por konta riba Dios!

Tambe mi ta yuda algun Boneriano i latino nan ku no por ehersé e idioma Hulandes bon, mi ta bai afspraak ku nan, reunion di skol, i asta mi a bai rechtbank ku un di nan.

banda di tur e kosnan aki, tur siman, mi ta yuda persona nan dakloos, ku algun kuminda pa na kome, i si mi tin paña nan ku no ta sirbi mi mas of kualke miembro di famia, mi ta duna dakloos nan, paña ,sapatu,tas, noem maar op.

pa mi material, no ta algu ku mi ta pone na mi kurason,ni posishon, ma mi ta sinti mi bon,si mi por yuda un ruman! esei ta mi biggest Bendishon.

Pa terminá, mi ke inspirá e team kompleto di M21 pa asta den polítika ku nos ke e viktoria kompleto,kòrda ku Dios mester ta nos base di tur dia i den tur kos ku nos ke hasi.

I mi ta konvensí ku M21 lo marka historia ku E Diferencia.