DIKON MI A DRENTA DEN POLITIKA? Mundu ta hopi desigual i Boneiru no ta skapa di e realidat aki. Nos hendenan mester mihó i pa medio di polítika por logra bienestar pa un i tur, esaki basá riba igualdat, solidaridat, fraternidat i hustisia sosial.

 

KIKO A MOTIVÁ MI PA DJOIN M21? M21 ta representá tur lo ke sigun mi puntu di bista ta e nesesidatnan ku Boneiru mester pa bira un miho lugá; M21 ta un movementu di hende pa e hende i ku e hende. M21 manera mi mes, nos ta para pa tuma akshon ku vishon i honestidat bou un liderasgo firme i innovativo.

 

KUAL TA MI INTERESNAN? Mi ta stima Boneiru i p’esei mi ta desea pa un kambio, un diferensia den e forma i fondo kon manehá i hasi polítika. Mi kier sirbi mi komunidat ku integridat i vishon. Mi kier yuda trese un regenerashon polítiko kaminda leinan i normanan nan no ta e problema, i mas bien nan por yuda logra solushon di tur e retonan.

 

ALGU DI MI MES: Mi tin eksperiensia laboral den diferente areanan: rekursonan humano, gerensia, marketing, atministrashon, atministrashon públiko i diplomasia. Mi por definí mi mes komo un persona responsabel, kreativo, lógiko, komunikativo, líder, optimista, koperativo, proaktivo, perseverante i hustu; ku e vishon i sertesa di lo kual nos ta konstruí huntu awe lo ta trese komo resultado un futuro miho pa nos dushi Boneiru.