Arnoldine Helmyr
Ami ta Arnoldine Helmyr, nan ta yamami Dientje, un nòmber ku mi a haña na chikí serka yùfr. Ety Pourier. Mi ta yu di yùfr Jooi di Rincon i def. Nol Helmyr di Wilibròrdus. Mi ta bibá na Playa Grandi i a lanta na Kòrsou, biniendo Boneiru tur aña ku Niagara. Despues di a traha breve den enseñansa na Kòrsou i Boneiru, mi a bai biba Hulanda kaminda mi a biba i traha mas ku 30 aña. Durante di e temporada aki mi a biba i traha na Tanzania i St. Vincent & Grenadines den tantu enseñansa komo den turismo.
Mas di Dientje
Mi a sali for di un famia ku raisnan polítiko, ku tantu na Kòrsou komo na Boneiru a trese dilanti diputado, minister i miembro di 'Raad van Advies' ku a traha semper na bienestar di pueblo di Antiyas.
Ku e fundeshi ku mi a sali ku ne for di kas, ku mi edukashon i mi eksperensha di bida en general, mi kier duna mi aporte na e komunidat Boneriano: for di Playa Grandi te ku Pedeké.