8. Zuleykha Statie
Mi nòmber ta Zuleykha Statie un Boneriana ku amor pa su isla,I ku mi 46 aña di edat mi ta biba na un isla ku mi ta konsiente di e situashon sosial ekonómiko di Boneiru.
Mi a skohe pa forma parti di M21,komo partido polítiko pasobra mi ta identifiká mi mes ku e pensamentu I ideologia di e partido. M21 ta un partido serio, transparente I inovativo. ku kurason pa e hende, un amor inmenso pa e pueblo Boneriano I tur hende ku ta biba I forma parti di e komunidat Boneriano.
Mi amor pa Boneiru, pa mi famia, mi amistades I konosínan a mustra mi ku mi tin un kompromiso I responsabilidat ku nan.
Mas di Zuleykha
Mi ta konsiente I realístiko I sa ku e trabou lo no ta fásil pero, e yamada ku e pueblo tin pa un kambio ta pone ku mi lo bai e lucha aki pa huntu nos trese un diferensia. Lo mi bai traha pa igualdat, hustisia I bienestar di nos hendenan aki na Boneiru. Mi a tuma nota ku nos Boneiru ta kresiendo den tur area pero loke si ta remarkabel ta ku riba e area re kreativo I sosial pa ku nos hobennan nos ta wanta ainda. Ta importante pa tin mas lugá na Boneiru pa nos hende nan rekreá I mas fasilidat pa tantu mucha I hóben por dibertí den nos bario nan.