top of page
Mas di Daisy
Historia
Désirée Ermelinda Coffie, mihó konosà komo Daisy, a nase na Boneiru for di mayorÂnan di Rincon i Playa Grandi. For di edat hopi yòn Daisy tabata bai Rincon reÂguÂlarÂmente serka su famianan. Ora Daisy a kaba skol sekundario na Kòrsou, el a traha pa gobièrnu di Boneiru den sekshon di protokòl pa algun aña promé ku el a bai sigui estudio di logopedia na Hulanda. Di regreso na Boneiru ku su diploma, Daisy a kuÂminÂsá su mes negoshi. Na Boneiru Daisy a sigui un estudio pa su Sertifikado Pedagógiko i a terminá esaki eksitosamente. Daisy a duna lès vários aña na SGB na e departamentonan di VMBO i MBO.
Profeshon
Daisy ta un profeshonal riba tereno di logopedia, esta tur área ku tin di haber ku komunikashon verbal i noverbal. E ta trata personanan for di resien nasà te ku 100+ aña ku tin problema ku idioma, oido, artikulashon i uso di bos. Hendenan ku tin proÂbleÂma ku komementu, bebementu i gulimentu, uso di pulmon pa hala rosea i hendenan ku malesa manera entre otro Parkinson, Alzheimer, kanser di garganta, Dysfagia, CVA i Afasia tambe ta haña tratamentu serka Daisy. Su kompania ta establesé na Bonaire, pero e tin hopi kliente tambe na St. Eustatius, Saba i St. MaarÂten. Su servisionan ta hopi pidà komo ku e ta un di e poko logopedistanan multilinÂgual. El a hasi su estudio tantu na ingles komo hulandes (risibiendo dos diploma) i e ta dominá 5 idioma: papiamentu, spañó, ingles i hulandes perfektamente i franses baÂsta bon.
​
Banda di su trabou komo logopedista Daisy tabatin tambe pa 20 aña, te ku fin di yüni 2018, un lokalidat kaminda tabatin kuido despues di skol pa muchanan di skol primario i hóbennan di skol sekundario. Aki e mucha- i hóbennan tabata bini despues di skol pa sigui e programa rekreativo i edukativo ku Daisy tabata brinda nan tur dia. Nan tabata risibà guia profeshonal pa loke ta trata nan tareanan di skol i tambe nan komÂporÂtashon. Daisy a organisá hopi aktividat edukativo-rekreativo tantu durante di aña eskolar komo den fakansinan di skol. E aktividat ku semper a hala hopi atenshon i ku tur aña tabata e aktividat preferà di tur mucha, hóben i mayor, ta e simannan di kamÂpamentu den fakansi grandi. Mayornan tabata baha nan yu(nan) serka Daisy i su tim i bira bai ku hopi konfiansa sabiendo ku e muchanan durante 2 pa 3 siman lo gosa di un tremendo plan di fakansi, kompletamente bou di responsabilidat di Daisy. Daisy su amor pa mucha i hóben ta grandi! Komo ku e tin bon kontakto ku e muchanan, hóbennan i nan mayornan i ku vários skol, Daisy tin un bon bista di e desaroyonan den enseñansa aki na Boneiru. Daisy ta e aktual presidente di Konseho di Iglesia Protestant na Boneiru i tambe e ta presidente di Flamingo Toastmasters Club di Boneiru.
​
Karera polÃtiko
Daisy no ta un persona ku tabatin aspirashon pa drenta polÃtika. Tabata e partido polÃtiko Movementu di Pueblo Boneriano (MPB) ku a aserká Daisy pa fungi komo moderadó den entrevista ku e kandidatonan di e partido. Sinembargo, segun e dianan tabata pasa i yudando e partido, Daisy tiki tiki a bin ta sinti mas afinidat ku e ideaÂnan, plannan i e vishon di e partido. Ora e lider di partido, Sr. Elvis Tjin-Asjoe a aserÂká Daisy ku e petishon pa ofisialmente afiliá i subi lista, e kontesta tabata fásil. DesÂpues di elekshon di mart 2015, Daisy a sirbi pueblo di Boneiru den Konseho Insular, proÂmé komo miembro i despues komo lider di frakshon di MPB. Den e funshon aki Daisy a bishitá Hulanda na vários okashon kaminda el a hiba palabra ku parlamenÂtarioÂnan di Eerste i Tweede Kamer i vários otro polÃtiko di taye haltu. Na ougùstùs 2016 ‘Nederlandse Vereniging van Raadsleden’ (ántes ‘Raadslid.Nu’) na Hulanda a nomÂbra Daisy komo ‘Raadslid van de maand’. Daisy tabatin tambe e honor di representá koalishon di Boneiru na 2017 i hiba e mensahe di e pueblo di Boneiru den e reuÂnion di Hulanda ku nos islanan ruman Aruba, Kòrsou i St. Maarten. Tabata pa promé i último bes ku Boneiru a partisipá parsialmente na e Konsulta InterparlamenÂtario di Reino (Interparlementair Koninkrijksoverleg - IPKO) aki. Despues di su partiÂsiÂpaÂshon na IPKO, Daisy a keda ku bon kontakto ku vários miembro di Parlamento di Hulanda, Aruba, Kòrsou, St. Maarten i tambe Saba i St. Eustatius. Daisy ta haña hopi reakshon positivo pa su trabou desplegá den su funshon di miemÂbro di Konseho Insular en general i en partikular komo miembro di frakshon di MPB.
​
​
bottom of page