Sr Fitszgerald Martina di M21 ta puntra:TE KI DIA NOS TIN KU SIGUI WARDA I SOPORTÁ?Esaki relashoná ku ola di kriminalidat na Boneiru

Kralendijk, 9 di yüli 2025 - Sr. Fitszgerald Martina, miembro di direktiva di M21, ta ekspresá su preokupashon i malkontentu ku e forma di atendé ku e problema di oumento di kriminalidat – primordialmente entre nos hóbennan - na Bonaire. Sr. Martina ta puntra ta ki dia gezaghèber, hefe di kuerpo polisial i fiskal ta lanta for di soño i kuminsá implementá medida mas severo pa por atendé ku e kriminalidat, ku dia pa dia ta asotando nos isla mas i mas i tiki tiki ta tumando nos isla over. No tin rèspèt mas ni pa otro, tampoko pa outoridat. Outoridat no por aktua manera mester ta, pasobra nan mannan ta mará ku e diferente leinan lali lali ku tin awendia i pa kolmo no tin sufisiente hende den Kuerpo Polisial Hulanda Karibense pa por atendé ku e situashon ku mas dedikashon i mas determinashon. Ta kon ta hasi pone i mantené òrdu si no tin sufisiente personal kapasitá pa hasi esaki? A emití un dekreto pa kontrolá den e supuesto áreanan di riesgo. Dikon no ta kontrolá den e barionan? A lubidá riba siguridat di nos hendenan den bario? Dikon no ta kontrolá tur e hòtspòtnan di riesgo haltu di kada bario? Ki dia ta kuminsá ku akshon ku ta duna resultado mesora i a korto plaso? I kuminsá mesora ku akshon pa logronan a largo plaso tambe. Nos no mester sinta warda malora toka mas hende su porta; nos mester aktua awor.

Ehekushon urgente di moshon

Dia 12 di yüni último, Konseho Insular a aprobá unánimemente un Desishon di Konseho Insular, prepará pa entre otro sra. Daisy Coffie. Sinembargo gezaghèber a proponé pa kambia e Desishon di Konseho Insular den un moshon. Pakiko a kambia e Desishon di Konseho Insular den un moshon? Un moshon ta un deseo i mesun gezaghèber ku a proponé e moshon akí, por pon’é den lachi si e no ta deseá di ehekut’é, ya ku e ta un deseo sin ningun garantia di ehekushon. Lo ta bon pa Konseho Insular chèk ku gezaghèber kiko tur di e moshon a hasi kaba òf ta hasiendo, pasobra vários punto den e Desishon di Konseho Insular ku a bira moshon ei ta puntonan al kaso ku inmediatamente mester ehekutá òf implementá ku hopi urgensia.

Asistensia pa kuerpo polisial

Despues di e insidente dilanti un klup nokturno konosí den Playa a bin ku yen di medida, entre nan a para diferente aktividat miéntras no ta atendiendo ku e barionan kaminda orígen di vários kaso ta. A tene reunion di importansia ku ZJCN: ta kumpli ku loke a palabra ku nan, òf ta pa djis e momentum, pa show a hasié? Nos kuerpo polisial mester di yudansa; kon ta pará ku VKB, e kuerpo di boluntario? Ta hasiendo algu pa rebibá esaki? Ke tal di polis di bario; kon aktivo esakinan ta den nos barionan i ku ki resultado? Dikon ta manda tantu polis pa reforsá otro islanan, i no ta buska mas refuerso pa nos mes? Nos a komprendé ku mitar kuerpo polisial tin ku sigui entrenamentu i no por subi kaya. Esaki tambe ta un rason pa buska refuerso pa nos kuerpo. Un idea ta tambe pa kuminsá ku servisio militar obligatorio na Boneiru manera ántes. Esaki por yuda forma e hóbennan ku ta bin na remarke pa por registrá pa servisio militar. Mester skrin e kandidatonan ku ke bira polis mas mihó tambe pa por tin un resultado optimal den formashon i den práktika despues di formashon.

Pueblo ta kansá, fadá i preokupá

Otro problema ku tambe mester di solushon ta e lèkmentu di informashon den i for di Kuerpo Polisial Hulanda Karibense. Ki dia gezaghèber ta laga hasi investigashon? Pueblo ta kansá, fadá i preokupá pa su siguridat. Riba kiko ta warda? Pa ora e kos yega na porta di outoridat mes, pa e ora ei si aktuá ku tur tipo di man duru? Gezaghèber, Ministerio Públiko i Kuerpo Polisial Hulanda Karibense tin un responsabilidat pa nos siguridat na Bonaire. Por fabor asumí e responsabilidat aki i trese pas, trankilidat i siguridat bèk den tur kas na nos isla.

Sr. Fitszgerald Martina

Miembro di direktiva M21

Telnr.: +599 9 688 1229

Dhr Fitszgerald Martina van M21 wil weten:

HOE LANG NOG MOETEN WIJ BLIJVEN WACHTEN EN ALLES VERDRAGEN?

Dit in verband met de criminaliteitsgolf op ons eiland

Kralendijk, 9 juli 2025 – Dhr Fitszgerald Martina, bestuurslid van M21, brengt zijn bezorgdheid en ongenoegen naar voren over de wijze waarop de toenemende criminaliteit - voornamelijk onder onze jongeren - op Bonaire wordt aangepakt. Dhr. Martina wil weten wanneer de gezaghebber, de korpschef en de officier van justitie wakker worden en strengere maatregelen gaan treffen om de criminaliteit aan te pakken, die ons eiland dag na dag teistert en het eiland langzaamaan overneemt. Men heeft geen respect voor elkaar, noch voor gezagsdragers. Autoriteiten kunnen niet goed functioneren, omdat ze gebonden zijn aan de slappe wetgeving die we tegenwoordig hebben. Bovendien is er bij de KPCN niet genoeg mankracht om de situatie met meer toewijding en daadkracht aan te pakken. Hoe kun je orde scheppen en handhaven als er niet genoeg gekwalificeerd personeel is om dit te doen? Er werd een beschikking uitgevaardigd om de vermeende risicogebieden te controleren. Waarom controleren we de wijken niet? Zijn we de veiligheid van onze mensen in de wijken vergeten? Waarom controleren we niet alle risicovolle hotspots in elke wijk? Wanneer beginnen we met acties die direct en op korte termijn resultaat opleveren? En begin meteen ook maar met acties voor resultaten op de lange termijn. We hoeven niet te wachten tot het noodlot bij meer mensen voor de deur staat. We moeten nú actie ondernemen.

Spoeduitvoering motie

Afgelopen 12 juni heeft de Eilandsraad unaniem een ​​Raadsbesluit goedgekeurd, opgesteld door onder andere mevrouw Daisy Coffie. De gezaghebber stelde echter voor om het Raadsbesluit om te zetten in een motie. Waarom is dit Raadsbesluit omgezet in een motie? Een motie is een wens en de gezaghebber die met het voorstel tot omzetting kwam, kan de motie ergens in een la stoppen als hij deze niet wenst uit te voeren, aangezien het een wens is zonder enige garantie op uitvoering. Het zou goed zijn als de Eilandsraad bij de gezaghebber zou nagaan wat er al met de motie is gebeurd, omdat verschillende punten in het tot motie omgezette Raadsbesluit, punten zijn die onmiddellijk moeten worden uitgevoerd of met grote spoed moeten worden uitgevoerd.

Bijstand voor het korps

Na het incident voor een bekende nachtclub in Playa werden tal van maatregelen getroffen, waaronder het stilleggen van diverse activiteiten, terwijl de wijken waar de oorsprong van meerdere gevallen ligt, niet aangepakt worden. Een belangrijk overleg heeft plaatsgevonden met de ZJCN: wordt er voldaan aan wat er afgesproken is, of is het alleen maar voor het momentum, voor de schone schijn? Onze korps politie heeft hulp nodig; hoe zit het met de VKB, het vrijwilligerskorps? Wordt er iets gedaan om die nieuw leven in te blazen? Hoe zit het met de ‘polis di bario’? Hoe actief zijn die in onze wijken en met welke resultaten? Waarom sturen we zoveel politiemensen om andere eilanden te versterken en vragen we niet om meer versterking voor onszelf? We hebben begrepen dat de helft van het korps trainingen moet volgen en daarom niet de straat op kan. Ook dit is een reden om versterking te zoeken voor ons korps. Een idee is ook om net als vroeger, militaire dienstplicht in te voeren op Bonaire. Dit kan helpen bij de persoonlijke groei van jongeren die in aanmerking komen voor militaire dienst. Kandidaten die politieagent willen worden, moeten ook beter gescreend worden om een ​​optimaal resultaat te behalen in de opleiding en in de praktijk na de opleiding.

Mensen zijn moe, bezorgd en ze zijn het beu

Een ander probleem dat ook aangepakt moet worden, is het lekken van informatie bij de KPCN. Wanneer geeft de overheid opdracht tot een onderzoek? Mensen zijn het beu, ze zijn moe en ze maken zich zorgen over hun veiligheid. Waar wordt nog op gewacht? Totdat het probleem aan de deur van de autoriteiten zelf klopt, om dan wel met harde hand op te treden? De gezaghebber, het openbaar ministerie en de KPCN zijn verantwoordelijk voor onze veiligheid op Bonaire. Neem alstublieft deze verantwoordelijkheid en breng vrede, rust en veiligheid terug in elk huis op ons eiland.

Dhr. Fitszgerald Martina

Bestuurslid M21

Telnr.: +599 9 688 1229